Ndang Adong na rumingkot sian angka Parsaoran

Dangol do anggo angka parsaoran- alai tong mansai uli do angka parsaoran.

1. Sude do hita mangolu di sada drama na masa di dua pangalaho i. Parsaoran i digohi do rap marhite halongangan nang angka sidangolon parungkilon. Hatiha ro Jesus tu portibi on, dipataridahon Ibana do na diantusi Ibana duanca pangalaho halongangan i nang dohot parungkilon i. Masa do na dua i dingoluna. Ro Ibana asa mamungka parsaoran na imbaru dohot ho-- sada parsaoran na boi pagogohon sude angka parsaoranmu na asing. Ro Jesus asa patuduhon boha manghasonanghon dalan na imbaru laho marsaor dohot Debata jala dohot dongan jolma.
2. Hatiha dihatahon Jesus taringot tu haringkotan ni parsaoran, mansai patar do sangkapNa disi. Diajarhon Ibana do ia parsaoran i ingkon bahenon gabe mansai arga jala tong do diajarhon Ibana boha mangalehon parsaoranta be gabe mansai mararga situtu.
3. Sian mulana sahat ro diujungna, ndang adong na rumingkot sian parsaoran. Di mulana ditompa Debata do ho tu rumang ni parsaoran. Ditompa ho asa marsaor tu Ibana jala tu dongan jolma. Molo marisuang i sian ngolum, gabe dohot ma marisuang sangkap bolon asa boasa gabe ditompa Debata ho tu portibi on. Parsaoranmu dohot Debata nang dohot dongan jolma i na so marujung do i sahat tu na masa sogot.

DIRANGRANG GABE HASONANGAN DI DEBATA

Hatiha na sorang ho tu portibi on, disi do Debata songon saksi na sotarida jala mengkel suping di passorangmu. Mamboan las ni roha do ho di Debata, mangolu tu hasonanganNa, ima sangkap na parjolo di ngolum.

1. Mamboan hasonangan tu Debata digoari do i " pamujion". Didok do di Bibel i; " Alai dihalashon Ibana do angka na pasangap Ibana, angka na marhaposan tu holongNa na manongtong i". Manang aha na niulam laho mamboan hasonangan tu Debata ido angka panglaon pamujion. Songon sada batu berlian ia ulaon pamujion i bahat do rupana. Boi do i songon ragam ni parmingguon di gareja marhite ende, pujipujian, tangiang, jala na mananginangi jamita. Boi dotong marhite marualon na badia, pamalumhon na marsahit alai ingkon na gabe sada na mansai diparngoluhon.
2. Ulaon pamujion i lumobi dope sian marhite angka musik. Ndang na dos i holan tu musik sambing, ai parjolo do masa ulaon pamujion sian haroro ni musik marhite si Adam di porlak Eden, si Musa hatiha na sorang si Jubal. Ia ulaon pamujion i ndang adong pardomuan ni i tu boha saringar jala uli ni musik, nang pe mansai dihalashon Debata do i sudena ,alana Ibana do na manompa i dimulana.
3. Ulaon pamujion i ndang na disangkap i asa gabe pangomoan di ho. On do tong sada pangantusion na so sintong, alana molo ta pamasa i asa gabe laba di hasonangan ni Debata do ndang na gabe laba di hita. Didok do di Bibel i: " Didok bangso on do dipuji nasida Ahu, alai ndang tingkos pamujina, jala tu na asing do laho roha nasida. Holan aturan dohot hasomalan ni jolma sambing do pamujion nasida, angka na diapil sambing do."
4. Pamujion i ndang holan sada bagian sambing sian ngolum; alai i do na gabe ngolum. Sude na niula boi do i gabe ulaon pamujion hatiha niulahon i pasngaphon, pamuliahon, jala pasonanghon Debata. Didok do di Bibel i: " Di na mangan manang na minum dohot manang aha diula hamu, bahen hamu ma i psangaphon Debata". " Husosoi ma hamu mamelehon dirimuna gabe pelean na mangolu jala na badia na palashon roha ni Debata."

BOHA DO BOI BOANONHU HASANGAPON TU DEBATA?

Didok Tuhan Jesus do tu Ama i: " Nunga Hupatuduhon hasangaponMi di tano on, marhite na pasidunghon ulaon na pinasahatMi ulahononKu". Diparsangap Jesus do Debata marhite na manggohi sangkapNa di portibi on. Ingkon tong do dos songon i nang pangalahonta laho pasangaphon Debata. Hatiha sude angka naung ditompaNa i boi manggohi sangkapNa, gabe mamboan hasangapon ma i tu Debata. Di hita jolma nunga tung patar aha sibahenonta laho mamboan hasangapon di Debata ima:

1. Boanonta ma hasangapon tu Debata marhite pamujionta. Lobi do i marlapatan sian na marende, jala martangiang tu Ibana alai ima sada hasomalan di ngolu laho mandapot hasonangan di Debata, manghaholongi Ibana, jala mangalehon dirinta asa dipauli tu sangkapNa. Hatiha i ma ta patudu pambahenan pamujion tu Ibana. Didok do di Bibel i: " Pasahat hamu ma ruas ni pamatang muna tu Debata asa dipangke i tu sangkap na sintong."
2. Boanonta ma hasangapon tu Debata marhite na manghaholongi donganta sahaporseaon. Gabe tanggungjawabta do boha hita marsiajar manghaholongi songon na naung dibahen ni Debata, alana Debata do holong i, jala i mambahen hamuliaon tu Ibana. Didok Jesus do, " Ai nunga huhaholongi hamu, jadi ingkon masihaholongan ma hamu. Molo masihaholongan hamu, gabe botoon ni sude jolma ma na siseanKu hamu."
3. Boanonta hasangapon ni Debata molo gabe songon Kristus hita. Marhite haporseaonmu tu Krsitus na gabe sipaula ho di ngolum, gabe dilehon ma tu ho ngolu na imbaru, tompa na imbaru jala mangula do torus Debata patureture hadirionmu songon na tarsurat di Bibel i, " Gok parbue hasintongan na niulahon ni Jesus Krsitus i ma ngolum, bahen hasangapon dohot pujipujian ni Debata".
4. Boanonta ma hasangapon ni Debata marhite na manghobasi dongan marhite angka silehonlehon na adong dipatupa be dihita. Dilehon pe angka talenta, silehonlehon, hapandean, hamaloonta jala hamoraonta asa boi do ho mangalehon pangurupion tu dongamu songon na tarsurat di Bibel i: " Masihobasan ma hamu sama hamu, hombar tu silehonlehon na adong di ganup halak, songon pangarajai na denggan di asi ni roha na jinalona sian Debata..... Asa marsangap Debata di sasude marhite Jesus Kristus."
5. Boanonta hasangapon ni Debata marhite na patandahon Ibana tu jolma na torop. Ndang dihalomohonDebata molo tabunihon holongNa i jala sangkapNa i songon sada bunibunian. Sahali taboto hasintongan i, dihirim Ibana do asa tabagihon angka i tu halak nasing laho mangurupi nasida mangalului sangkapna. Didok do di Bibel i, " Masa pe sudena i alani hamu do, asa lam sahat asi ni roha ni Debata tu lam torop jolma jala pasangapon nasida ma Debata marhite tangiang hamauliateon na lam godang."

BOHA DO DIBERENG HO NGOLUM ?

Boha panailim taringot tu ngolum gabe laos ido na paunehon ngolum.

1. Ngolu di portibi on ima sada ujian. Sai na so maradian do Debata manguji pangalaho ni jolma, haporseaonna, hasatiaanna, holongna, integritasna, jala haburjuonna. Ujian namansai ringkot, ima boha do ho marpangalaho molo so boi ho manghilala haroro ni Debata di ngolum. Sipata dituntun Debata do laho manadinghon ho, jala sipata tong do ta hilala boha jonok ni Ibana. " Sude pangunjunan na tinaonmuna angka pangunjunan na somal masa dope i di hajolmaon. Alai satia do Debata tu janjiNa, ndang paloasonna hamu tarujun lobi sian gogo muna; jala molo tarunun hamu, lehononNa do gogo tu hamu manaoni, jala patuduhonnoNa do tuhamu dalan haluaon."
2. Ngolu di portibi on sada haposan. Tingkinta na adong di portibi on, jala gogonta, hapitaranta, parsaoranta, kesempatanta jala sinadonganta, sudena i silehon lehon ni Debata do na dipasahat Ibana marhite malonta laho patureturehon jala manjuarabagashon i mansai sintong. " Nda DEbata do na mangalehon sude na adong di hamu? Antong boasa ma gabe ginjang rohamuna, gabe hira na so silehonlehon na adong di hamu."

Didok Tuhan Jesus do: " Alai tu manang ise naung dilehon godang, laos godang do pangidoonNa sian ibana. Jala tu manang ise naung dilehon gumodang, laos gumodang do panngidoanNa sian ibana." Ngolu on sada ujian dohot sada haposan, jala lam bahat dilehon Debata tu ho, gabe lam gumodang ma pangulaon na dihirim Ibana sian ho.

LABA DI NGOLU NA NIAMUDIHON NI SANGKAP

Adong do lima laba sian ngolu na niamudihon ni sangkap:

1. Molo taboto sangkapta gabe boi mangalehon lapatan tu ngolum. Ditompa pe hita asa adong marlapatan. Molo so rap dohot Debata, ndang adong marsangkap ia ngolu on, jala molo so adong sangkap gabe ndang adong marlapatan ngolu i. "Marhite hagogoon ni Debata na mangula di bagasan dirinta, boi do bahenon ni Debata dao gumodang sian na tapangido dohot na tapingkiri".
2. Molo taboto sangkapta boi lam ture ngolunta. Sangkapmi gabe sipaheonmu laho manuhat muse angka aha do ulaon na adong haringkotanna jala angka aha na so adong haingkotanna. " Ho do ale Jahowa, na mangalehon dame na tutu tu angka halak na marsihohot jala na marhaposan tu Ho".
3. Molo taboto sangkapta gabe lam marfokus ma ngolum. Gabe boi dipusathon ho sude pangulaon jala gogom tu angka na ringkot, efektif ala ni langka na selektif. " Alani unang ma loahan hamu, alai tangkasi hamu ma na manang aha sihalomohon Tuhan i ulahononmu."
4. Molo taboto sangkapta boi mamotivasi laho mangonjar ngolum. Sai tongtong do sangkap i mangalehon hasabamon. Ndang adong na asing na boi margogoihon songon sangkap na torang na diparrorahon ho jala tong gabe paunehon; gabe boi tong songon sada gogo di hagaleon nang pandelean.
5. Molo taboto sangkapta boi hita mangarade tu ngolu sogot. Mangolu dibhagasan panghirimon marhite ugasan haportibion ima sada pamerengan na mansai jempek di ngolu on. Partkian na mansai une sipatureon ima mambahen ugasan na hot na so ra suda. " Ai sude hita jongjong do muse di jolo ni Debata, laho uhumanna. Jadi ganup do hita sadasada ingkon mempertanggungjawabhon dirinta sandiri tu Debata."

UMPASA TARINGOT TU SANGKAP

Umpasa na sinurat ni amanata Russel Kefler jala naung nipadas tu Hata Batak .

Ho do ho bahen sada sangkap
Bagian ni sada pangarangrangan na balga do ho
Ula ula ni gombaran na mansai renta jala rimpas do langkam
Dijaou Debata gabe baoa jala borua na marsangap
Berengon do ho songon dirim alani sada sangkap

Ndang hea Debata manompa na sala
Ditonun do ho renta di bortian
Saut do ho songon na pinarsinta ni Debata
Natorasmi, nasida do na dipillit Debata
Jala manang boha pe adong dipanghilalaanmu
Ditompa Debata do nasida songon dia Ibana mangarangrang di pikiranNa,
jala nasida do na manjalo tua ni Debata

Imada, angka na geduk na ro di ngolum ndang na mura i,
Jala dihilala Debata do i gabe mangarsahi ho.
Alai dipaloas do i masa gabe paunehon roham
Asa boi gabe songon tompaNa ho magodang

Ho do ho alani sada sanggkap
Dipaojak do ho marhite tungkot ni Debata
Ho do ho, na mansai dihaholongi
Ala na adong sada Debata!

AHA DO NA MANGAMUDIHON NGOLUM?

1. 1. Bahat do jolma na niamudihon ni pikiran na manghilala na marsala ibana. Dibahen nasida boban di ngoluna holan na mandele manang na manabunihon lindang nasida. Sude do hita on parbue ni ngolunta na salpu, alai unang ma hita olo gabe tarhurung ala ni ngolu na salpu i. Sangkap ni Debata di hita ndang na gabe manghurangi alani ngolunta na salpu i. Didok do di Bibel i: " Martua ma halak naung disesa dosana, angka naung diampuni hasalaanna. Martua ma halak naung dihalupahon Jahowa angka sala na niulana.
2. Bahat do jolma na niamudihon ni roha hosom dohot muruk. Sai ditiop hosom dohot muruk i mambahen sitaonon di ngoluna jala ndang boi dipasiding ibana. Holan na mambahen mangae do ho di ngolum molo sai ditiop ho pangalaho sisongon i, salpuhon ma i. Didok do di Bibel i: " Molo sai mabiar ho sahat tu na mate dibagasan hansit ni roha, gabe haotoon do i, na so adong gunana ulahononton."
3. Bahat do jolma na niamudihon ni biar. Boi do i ro sian ngolu na traumatik, boi tong patimbo hu sinta-sinta, manang magodang di horong na mansai mandondoni ngoluna, manang sian partubu parmudaron. Ingkon bolong do i bahenonmu sian ngolum marhite na marsinjatahon haporseaon dohot holong. Didok do di Bibel i: " Ndang adong biar dibagasan holong, jala holong na rimpas mangagohon biar; ala mardongan uhuman do biar jala manang ise na mabiar, ndang rimpas holong ni roha ni i."
4. Bahat do jolma na niamudihon ni roha arta. I do na mangarajai ngoluna, jala asa ingkon sai dapotan nian lobi marganda dope. Molo lam gumodang dapotna, boi ma lam marsangap dirina dietong. Ndang artam na manontuhon argam, jala Debata mandok ia barang na mansai arga di ngolum ima angka na so mararga!
5. Bahat do jolma na niamudihon ni pangalaho na jolo dapotan panolopion sian halak na asing. Dipaloas nasida ngoluna dipadalan ni lomo ni roha ni halak, boi do i natorasna, dongan saripena, ianakkonna, guruna manang ale-alena. Molo sai pasombuonmu na gabe mangolu dibagasan panolopion ni jolma, boi do i na patuduhon gabe dao hita sian sangkap na pinarade ni Debata di ngolunta. Didok Tuhan Jesus do : " Ndang boi sintong oloan ni sahalak dua tuan."

Ndang adong na ummarga sian na gabe umboto aha sangkap di Debata di ngolum, molo so adong sangkap ngolu on ndang adong marlapatan, gabe pangalaho bahen bahenan, suhar, jala ndang martopi. Ingkon botoonmu do laba jaloonmu di ngolu na ni amudihon ni sangkap.